عكس الريح

    شاطر
    avatar
    Eihab Elameen

    ذكر عدد المساهمات : 85
    تاريخ التسجيل : 31/08/2010
    العمر : 45
    المكان : Wad Madani
    المهنة : مذيع

    عكس الريح

    مُساهمة من طرف Eihab Elameen في السبت أبريل 02, 2011 4:28 am

    لسة عكس الريح مشيك
    لسع دموعك في وشيك
    مسلوب إرادة
    وراضي بالموت الوشيك
    متمادي في الحالة العليك
    بس لي متين
    ما دايرة تشرق ليك شمس
    دربك مكندك من أمس
    كل المواني تنادي ليك
    صابت عيون النيل طشاش
    صارت محطاتك غباش
    مسكين...
    من الكان أصلو بيك
    واللسة منتظرك عسير
    نصبح ولا نلقاك وطن
    ويرتدّ بصر الشوق حسير
    ويمتدّ درب الشوك مسير
    السيف قطع فجأة الجفير
    والجدول المغلوب صمت
    بكّاي ...
    نكر صوتو الخرير
    والكلاب نهشت خريفنا
    وبوح عصافيرنا التطير
    الفرح ودع مسارك
    والصديق جافى السمير
    بنخاف ولا نلقاكا في
    نفقد حنانك والدفي
    كل الصباحات تنطفي
    والخوف فرش في كل
    مساماتك سرير
    لا قوقت القمرية مرة
    ولا نشر وردك عبير
    مليانة كل الناس كآبة
    صابرة بالحال الأصابا
    والمسادير قافلة بابا
    والقلم ساب الكتابة
    الله للناس الغلابة
    المشاويرن دروب الخوف
    وترياقن مدامع
    الترانيمن أنين الجوع
    ونجماتن طوالع
    كل واحد زيتو طالع
    سارقة غنواتو الضفادع
    سارقة وجباتو الصوامع
    هاتفة بي سكاتو الشوارع
    الله لي كل الشوارع
    الله للناس التولول
    من كلاب الليل
    ومسدار الزوابع
    من كلاب الشر
    وخدّام المطامع
    وإنت ماشي...
    ولسة عكس الريح مشيك
    لسع جروحك في وشيك
    متمادي في هذا السكات
    يا حسرة فقدانك وشيك

    أبوسامر

    ذكر عدد المساهمات : 89
    تاريخ التسجيل : 29/08/2010
    العمر : 45
    المكان : السودان
    المهنة : عاطل

    رد: عكس الريح

    مُساهمة من طرف أبوسامر في الأربعاء أبريل 06, 2011 12:56 pm

    Eihab Elameen كتب:
    نصبح ولا نلقاك وطن
    ويرتدّ بصر الشوق حسير
    ويمتدّ درب الشوك مسير
    السيف قطع فجأة الجفير
    والجدول المغلوب صمت
    بكّاي ...
    نكر صوتو الخرير
    والكلاب نهشت خريفنا
    وبوح عصافيرنا التطير

    نص بديع يصور الواقع والحقيقة بخيال مدهش
    قصيدة سياسية راقية
    وربنا يكون في عون الوطن
    لك مني ألف تحية أستاذ إيهاب الأمين


    _________________
    الشمس البتطلع
    بلت منو ريقا
    والنجمة البتسطع
    فيه تشوف بريقا
    الندى في حركتو
    يطفيها الحريقة
    ننهل من بركتو
    زي شيخ الطريقة

    يزيد العتيبي

    ذكر عدد المساهمات : 99
    تاريخ التسجيل : 13/09/2011
    العمر : 37
    المكان : الرياض
    المهنة : طالب

    رد: عكس الريح

    مُساهمة من طرف يزيد العتيبي في الأربعاء سبتمبر 14, 2011 6:25 pm

    الشكر موصول لصاحب الموضوع

      الوقت/التاريخ الآن هو الأحد أكتوبر 21, 2018 8:05 am