ابتسمي خلي الجو يروق
هدي العواصف والبروق
ينزل مطر ضي بسمتك
يروي البيادر والشقوق
ما بسمتك ميعاد عشق
طلة شمس عز الشروق
ابتسمي
لسة الشوق بفتش سكتك
لسة الظلال خافية الطريق
والنيل يردد غنيتك
والشارع الباكي الحزين
منو الموانع دستك
ابتسمي ما أحلى الصباح
وكتين يطل من بسمتك
ابتسمي يا أروع نغم
صحّى المدائن والحقول
اتحدى صمت الليل وسافر
عانق إيقاعو الفصول
طمّن الحرف المعربد
وعلمو يبادر يقول
تدهش النور ابتسامتك
وتعلن الفرحة الوصول
ابتسمي يا زولة
وتعالي نعلم الناس تبتسم
نتلاقى في الآفاق وميض
والغيم يناديك بالاسم
نتغنى للموج والزهور
ومواقف الريد تنحسم
ابتسمي ما لاقتني قبلك
نجمة يا بت تبتسم
